ورود کوفه نه دلنشینیدی لحن قرائتون یارالی نه دلنوازیدی صوت تلاوتون یارالی کلیمی جذب ائلین نورسن تجلّاده دوشوبدی کوفیه نور هدایتون یارالی آتام آتالیق ائدن ملّته اوخی قرآن جدانون اوسته بولونسون جلالتون یارالی آییردی خولی سنی بیزدن عصر عاشورا دیار کوفیه دوشدی اقامتون یارالی

حضرت قاسم(ع) داغیلوب سینم کسیلوب نفس ئولورم یارالیم ای عمو سسیمه اوزون وئر اماندی سس ئولورم یارالیم ای عمو ورولوب قلیج یاریلیب باشیم قورویوب گوزوم قاباقیندا قان بو هوانون ایسّیسی من سوسوز بدنیم یارالی اوزوم جوان گینه اوز قویوب بو قدر قوشون بیری نیزه و بیری اوخ وران بو قدر جفا منه بسدی بس ئولورم یارالیم ای عمو

وداع امام حسین(ع) ای نیّر[1] افلاک شرافت آنام اوغلی خورشید سماوات شهادت آنام اوغلی دفترچه ی خلقتده ازل منشی تقدیر عنوانیله بیر کلمه یازوب منشأ تحریر بو کلمه حروف اوسته گله عشق اولی تعبیر وسعت وئره گر ضیق عبارت آنام اوغلی [1] - نیّر : نوردهنده.

کوچ از قتلگاه خداوندا حسینیم هاردا دوشموش قانینه غلطان قالوبسان هاردا قارداش زینبون اولسون سنه قربان دولاندی غم فزا دشتی گوروب آختاردیقی یوخدی یتوشدی بیر چوخور یئرده گوروب قان لخته سی چوخدی ولی مستور داش یا سینیق شمشیریدور اوخدی گوروب بو یئر دونن شمریله ال دامان اولان یئردور یقین ایتدی حسینون قانینه غلطان اولان یئردور